ஒருவர் காலையில் எழுந்தவுடனே அந்த நாளை தொடங்குவதற்கு ஒரு கப் தேநீர் அல்லது காபி உடன் தான் அந்த நாளை தொடங்குவார்கள். இந்த, தேநீரில் பல ஆரோக்கிய நன்மைகளை கொண்டுள்ளது. ஆனால் தற்போது மேற்கொள்ளப்பட்ட ஒரு புதிய ஆய்வு ஒரு குறிப்பிட்ட நேரத்தில், தேநீர் குடிப்பது உண்மையில் உங்கள் உடலின் சில தாதுக்களை உறிஞ்சும் திறனைத் தடுக்கிறது என்பதையும் கண்டறிந்துள்ளது. குறிப்பாக, 65 வயது மற்றும் அதற்கு மேற்பட்ட வயதுடைய நபர்கள், உணவு உண்ணும்போது வலுவான தேநீர் அருந்தும்போது, தேநீரானது இரும்பு மற்றும் துத்தநாகத்தை உறிஞ்சும் உடலின் திறனில் குறுக்கீடு காட்டியது.
எனவே, பெரியவர்கள் தங்கள் உணவின் அதிகபட்ச ஊட்டச்சத்து நன்மைகளைப் பெறுவதற்காக உணவுக்கு இடையில் மட்டுமே தேநீர் குடிக்க வேண்டும் என்று இந்த ஆராய்ச்சி பரிந்துரைக்கிறது. துத்தநாகம் நம்முடைய ஏராளமான கனிமமாக அறியப்படுகிறது. இது நமது நோய் எதிர்ப்பு சக்தியை அதிகரிக்கிறது. நம் உடல்களை குணப்படுத்த உதவுகிறது. இதற்கிடையில், இரும்புச்சத்து நோயெதிர்ப்பு ஆதரவு, ஆற்றல் உற்பத்தி மற்றும் உடல் முழுவதும் ஆக்ஸிஜனை எடுத்துச் செல்வது போன்ற பல முக்கிய செயல்களையும் கொண்டுள்ளது.
இந்த ஆய்வில் இருந்து வெளிவந்த ஒரு சுவாரஸ்யமான தகவல்களும் உள்ளன. வயதான நபர்களில் தசை வளர்ச்சியைத் தூண்டுவதற்கும், நன்கு நீரேற்றமாக இருப்பதற்கும், வைட்டமின் D எடுத்துக்கொள்வதற்கும், அதிக சோடியம் சாப்பிடுவதைத் தவிர்ப்பதற்கும் நிறைய புரதச்சத்துக்களைப் பெற வேண்டும். நமக்கு வயதாகும்போது நிறைய உப்பு சாப்பிட வேண்டும் என்ற எண்ணம் வரலாம். ஆனால் நீண்ட ஆயுளை விரும்புகிறீர்களானால், குறைந்த அளவு உப்பு எடுப்பதை கட்டாயம் நீங்கள் உறுதி செய்ய வேண்டும்.
